په افغانستان کښې د آلمان د همکاریو د تازه پیدا ګېرنو، پېښواو رپوټونو، مطبوعاتی خبرونو ریښتینو او تازه خبرونه د ولایت، نېټې او خبری طرحې په بنا د نورو معلوماتو لپاره د خپرونو، ویدیو ییاو تصوری ګالرۍ او د اړوندو لنکونو او خبری برخو او یا هم کتاب  تونونو ته د تلون په اساس په لمړیتوبونو ویشلی دی

فلتر

پايلې 471
23.12.1397 | خبرپاڼه
کابل، د ۱۳۹۷ کال د کب ۲۳ مه – پرون د افغانستان د کانونو او پټرولیم وزارت یوه غونډه جوړه کړه چې موضوع يي د ښځو د نړیوالې ورځې په تړاو د " استخراجي صنعت کې د ښځو د ګډون کولو د کچې لوړول" وه. دې فعالیت د افغانستان د ښځو د تجارت او صنایعو اطاق (AWCCI) او د افغانستان د صنایعو او کانونو اطاق (ACIM) ښځینه متشبثین سره یو ځاې کړل ترڅو تبادله او همغږي سره آسانه کړي. ځانګړې تمرکز د افغانستان په استخراجي سکتور کې د ښځو د ګډون کولو د ترویج په څرنګوالي وه. تقریباً ۱۲۰ کسانو چې ۱۰۰ یې ښځې وي پدغه غونډه کې ګډون وکړ. افغانستان سره د آلمان د همکارۍ پروګرام دغه غونډه ملاتړ کړه.
23.12.1397 | خبرپاڼه
د ۱۳۹۷ کال کب د میاشتې ۲۳ نېټه. په دغه اونۍ کې، د نوي کېدونکي انرژۍ د همغږۍ شپږمې کمیټۍ (RECC) په کابل کې د اوبو او انرژۍ په وزارت(MEW) کې سره ولیدل . شا او خوا ۶۰ ګډونوالو، د حکومتي چارواکو او خصوصي او عامه سکټور اړونده ادارو په ګډون، د انرژۍ په سکټور کې د نوي کېدونکي انرژۍ موضوع ګانو، د بېلګې په توګه د افغان حکومت ۲۰۰۰ میګاواټه نوي کېدونکي انرژۍ کڅوړې پر میلان/تمایل باندې بحث وکړ. هغوی وروستۍ لاسته راوړنې وړاندې او د اوسني فعالیتونو په اړه تازه معلومات ورکړل. دغه غونډه د افغان - جرمن همکارۍ د انرژۍ سکټور پرمختیایي پروګرام (ESIP) په مالي مرسته جوړه شوې وه.
22.12.1397 | خبرپاڼه
کابل، د ۲۰۱۹ کال د مارچ د میاشتې ۱۳مه نیټه – پرون په کابل کې د خبریالانو او د مدني ټولنې د سازمانونو د استازو دپاره د کانونو او پټرولیم په وزارت کې یو ورکشاپ جوړ شوی وو چې په هغه کې په ټولیزه توګه د ۲۰ تنو نه زیاتو کسانو ګډون کړی وو. په دې غونډه کې د افغانستان د استخراجی صنایعو د شفافیت د نوښت په ادارې او د نوموړي وزارت د شفافیت په انترنټي ویبپاڼې باندې ټینګار وشو. د دې غونډې د جوړولو موخه داوه چې د خبریالانو پام د افغانستان د کان ایستنې سکتور ته راواړوي. دغه ورکشاپ د کانونو او پټرولیم د وزارت، د افغان-المان د همکارۍ د پروګرام او د افغانستان د استخراجی صنایعو د شفافیت د نوښت د ادارې په مرسته او همکارۍ جوړ شوی وو.
17.12.1397 | خبرپاڼه
مزارشریف، بلخ، د ۲۰۱۹ کال د مارچ ۸مه ورځ – په روانې اونۍ کې د ښځو د چارو ریاستونه او د افغان-آلمان د همکارۍ اداره د مارچ د ۸مې نیټې د ښځو د نړیوالې ورځې په مناسبت د یو بل په نږدې همکارۍ سره راز راز کړنې ترسره کوي لکه د جشنونو جوړول، د تیاتر د پروګرامونو پرمخ بیول او د ښځو د حقونو په اړه د معلوماتو د ورکولو او د حقوقي سندونو لکه تذکره او داسې نورو د ارزښت په باب د خلکو د پوهاوي د کچې د لوړولو په موخه د معلوماتي پاڼو ویشل. تمه ده چې په ټولیزه توګه د ۳۰۰۰ تنو نه زیات لیدونکي د بلخ، بغلان، جوزجان، سرپل، کندز او بدخشان ولایاتو په غونډو کې ګډون وکړي. همدارنګه همدا اوس د ښځو لپاره د حقوقي مرستې د ټیلیفون یوه کرښه جوړه شوې ده چې هغو ته په وړیا توګه حقوقي سلامشوره ورکوي.
16.12.1397 | خبرپاڼه
بدخشان، د ۲۰۱۹ کال د مارچ د میاشتې ۷مه نیټه – نن د معارف د ریاستونو، دارالمعلمینونو او ښوونځیو لپاره د پنځه ورځنیو ورکشاپونو لړۍ پایته ورسیده. په ټولیزه توګه د ۷۰ ښځو په شمول ۱۵۰ تنو په نوموړو ورکشاپونو کې ګډون کړی وو. سیمینارونه په کابل او د هرات، بلخ، سمنګان او بدخشان په ولایاتو کې جوړشوي وو. ګډونوالو د افغانستان د معارف په سیستم کې د وروستیو بدلونونو په اړه او د هغو د پلۍ کولو د څرنګوالي په باب پوهاوي ترلاسه کړه. د نوموړو بدلونونو موخه داده چې د ښوونکو د روزنې او په دې توګه په هیواد کې د ښوونې او روزنې د عمومي کیفیت سمون ومومي. د افغان-المان د همکارۍ د ادارې د لومړنیو او ثانوي زده کړو پروګرام (BEPA) د پورتنیو ورکشاپونو په جوړولو کې مرسته وکړه.
15.12.1397 | خبرپاڼه
مزار شریف، بلخ د ۱۳۹۷ کال د کب ۱۵ مه، د لیسو د زده کونکو او د پوهنتونو د محصلینو په شمول له مزار شریف څخه څلویښتو ځوانو انځورګرانو د انځورګرۍ په یوې سیالۍ کې ګډون وکړ. انځورګرانو د سولې او جګړې د پایلو په انځور کې کښلو لپاره یو میاشت وخت درلود. پرون د بلخ ولایت په مرکز کې د کورنېو لپاره د سلا مشورې مرکز دغه انځورونه نندارې ته وړاندې کړل. د XX ښځو په شمول XX خلک د دغو انځورونو د لیدلو لپاره راغلي ول. افغانستان سره د آلمان هیواد د قانون د واکمنۍ د ټینګښت د ترویج پروګرام (RoL) دغه سیالي ملاتړ کړه.
15.12.1397 | خبرپاڼه
مزار شریف، بلخ ولایت، ۱۵ کب ۱۳۹۷ کال. په تېرو ۲۰ ورځو کې، د بلخ ولایت د ښوونکو روزنې ریاست د زده کونکي محوره مېتودولوژۍ ورکشاپ په مزار شریف کې د ریاضیاتو او انګلېسي مضامینو د مشخصه مېتودولوژۍ په اړه ترسره کړ. په دغه ورکشاپ کې د بلخ، بدخشان، هرات، سمنګان، ننګرهار، کندهار او بامیان له ولایتونو څخه د ښوونکو روزنې مرکزونو (TTCs) ۷۵ استاذانو ګډون کړی و. هغوی به خپل نوي ترلاسه کړي پوهه او مهارتونه له راتلونکو ښوونکو سره شریکې/انتقال کړي چې په پایله کې یې له ۱۵۶۰۰ څخه زیاتو ښوونکو محصلینو درسونه پیاوړي/اصلاح شو چې شا او خوا ۱۰۰۰۰ یې ښځینه او ۵۷۰۰ یې نارینه ول. دغه فعالیت/ ورکشاپ د افغان جرمن او سویس حکومت په مالي مرسته جوړه شوې وه.
09.12.1397 | خبرپاڼه
کابل، د ۱۳۹۷ کال د کب ۹ مه – پرون د آلمان هیواد د همکارۍ د آنرژۍ د سکټور د پياوړي کولو پروګرام(ESIP) د کابل ولایت په سرینا هوټل کې یو ورکشاپ دایر کړ. د دې ورکشاپ موخه د افغانستان د انرژۍ د تولید په هڅولو کې د خصوصي سکټورد رول لوبولو لپاره د هغه د اړتیاؤ تشخیص او ارزول ول. په مجموع کې د خصوصي او دولتي نهادونو ۸۰ نارینه او ښځینه استازو پدې ورکشاپ کې ګډون کړې وه چې په هغه کې لوړپوړي دولتي چارواکي، سوداګران او پوهان شامل ول. پاېلو کې د انرژۍ د سکتور د پیاوړي کولو پروګرم لپاره د یو کلن تطبیقي پلان شاملول ول چې موخه یې د انرژۍ په سکتور کې د خصوصي سکتور ښکیلول او همداراز له نوې کیدونکو سرچینو څخه د انرژۍ تولید ده.
30.11.1397 | خبرپاڼه
د ۱۳۹۷ کال د سلواغه د میاشتې ۳۰ نېټه، فیض آباد، بدخشان ولایت. پرون د افغان جرمن همکارۍ د کنفرانس یو نوی جوړ شوی تالار د بدخشان ولایت مقام ته پرون وسپاره/تسلیم کړ. نوموړې ودانۍ په فیض آباد کې د ولایت په انګړ کې دننه موقعیت لري او د ۲۵۰ کسانو لپاره ځای لري. نوموړی تالار به د رسمي غونډو او کنفرانسونو او همداراز دولتي مراسمو لکه د ملي رخصتیو لمانځلو او حکومتي حساب ورکونې غونډو لپاره کارول کېږي. د افغانستان په شمال کې د افغان جرمن همکارۍ د ثبات پروګرام (SPNA) د رغونې چارې تمویل کړ چې ټولټال لګښت یې له ۲۴،۱ میلیونه افغانیو څخه زیات کېږي.
23.11.1397 | خبرپاڼه
د ۱۳۹۷ کال د سلواغه د میاشتې ۲۲ پرون، کابل. په دې اونۍ کې، د ځوان مسلکیانو په اړه د افغانستان انرژۍ سکټور د بازار غوښتنې ارزولو لپاره د کابل پولیتخنیک په پوهنتون (KPU) کې یو ورکشاپ جوړ شو. په دغه ورکشاپ کې تقریباً ۱۰۰ تنه لوړ پوړو چارواکو او د پوهنتونونو استازو، خصوصي سکتور او نورو اړونده ادارو غړو ګډون کړی وو. ګډونوالو پر دغه موضوع باندې بحث وکړ چې د اړونده پوهنتون تعلیمي نصاب څه ډول اصلاح شي څو د افغانستان د انرژۍ مارکيټ اړتیاوې پوره شي. د افغان جرمن همکارۍ د افغانستان برېښنا سکټور د ودې پروګرام (AESIP) له دغه ورکشاپ څخه ملاتړ وکړ.